Саяхан надад монголын томоохон группын дэд захиралтай уулзах завшаан тохиолдсон юм. Тэгээд би тэр хүнээс "Таны амьдралын үнэт зүйл чинь юу вэ?" гэж асуув. Тэр хүн мэдээж зөв амьдрах, сайхан гэр бүлтэй байх, тайван амгалан амьдрах гэх мэтээр хариулсан. Гэхдээ тэр дундаас хамгийн их сэтгэлд хүрсэн үг нь "Хүн болгон аз жаргалтай амьдрахыг хүсдэг. Тиймээс чи эхлээд өөрөөсөө ЮУ НАМАЙГ АЗ ЖАРГАЛТАЙ БОЛГОДОГ ВЭ? ХЭЗЭЭ БИ ХАМГИЙН ИХ ЖАРГАЛТАЙ БАЙДАГ ВЭ? гэж асуух хэрэгтэй. Түүнийхээ хойноос явах хэрэгтэй. Энэ л чамайг жаргалтай болгоно" байв.
Би хэзээ ч энэ асуултыг өөртөө тавьж байгаагүйгээ тэр үед ойлгосон. Ингэж явах л хэрэгтэй юм байна, ингэвэл л зөв юм байна гэж бодож, хөдөлдөг байсан болхоос биш жинхнээсээ аз жаргалтай үеүд хэзээ надад ирдэг, би юу хийхээрээ аз жаргалтай болдог, аз жаргалтай байхын тулд юу хийгээд байдаг талаар бодоо ч үгүй, мэддэг ч үгүй байжээ. Тэгээд бодлоо л доо. Мэдээж гэр бүл, найз нөхөд, амжилт нтр гээл зөндөө юм байсан. Харин жинхэнэ хариултаа сая хөдөө явахдаа мэдлээ.
Би өөрийнхөөрөө байхдаа л хамгийн их аз жаргалтай байдаг гэдгээ мэдсэн. Яагаад хөдөө явахдаа мэдсэн бэ гэвэл надад үнэхээр бүх зүйл ямар ч хамаагүй байсан. Би яаж ч дураараа аашилсан болхоор, эзгүй хээр талд, гэр бүлтэйгээ, огт танихгүй хүмүүсийн дунд ер нь л надад бодлоготой хөдөлж, ямар нэг зүйл баригдаж хүлэгдэх шаардлага огт байгаагүй. Ямар ч нууж хаах зүйлгүй, биеэ барилгүй, санаа зовох зүйлгүй, бодлогогүй, тэнэг байхдаа л хамгийн сайхан байдаг юм шиг..... Тиймээс одооноос зүгээр л сайхан өөрийнхөөрөө байгаад тэр цаг мөчийг мэдэрч байя. Ямар ч үед би өөрийнхөөрөө байж чаддаг тэр орчинд удаан байя, тэр орчныг улам бүр томруулъя. Зүгээр л өөрийгөө сул тавъя. Миний цаг хугацаа, миний амьдрал хязгаартайгаас хойш хором бүрийг хайрлаж, тэр мөчдөө жаргалтай амьдаръя.
Хүнээс асуусан "Таны амьдралын үнэт зүйл чинь юу вэ" гэдэг асуултанд өөрөө хариулт олчих шиг боллоо. Өөрийнхөөрөө байна гэдэг л надад хамгийн чухал зүйл байжээ.
ЮУ НАМАЙГ АЗ ЖАРГАЛТАЙ БОЛГОДОГ ВЭ? ХЭЗЭЭ БИ ХАМГИЙН ИХ ЖАРГАЛТАЙ БАЙДАГ ВЭ?
PS: Ойрд юм бичээгүй аягүй сонин байна хэхэ. Үг орж иркүү, бүдүүн баараг хатуу үгээр биччихлээ :P. Үг үсгийн алдаа байвал уучлаарай. Постыг минь уншсанд маш их баярлалаа.
